პრატესი კონკურენტებს ემუქრება და მახაჩევი-გარის გამარჯვებულს იწვევს

კარლოს პრატესი UFC 330-ის მთავარ მოვლენასთან დაკავშირებით საკუთარ პროგნოზს აკეთებს.

იგი აცხადებს, რომ 15 აგვისტოს გასამართ სატიტულო ბრძოლაში იან მაჩადო გარი ისლამ მახაჩევის დამარცხებას შეძლებს.

ბრაზილიელი მებრძოლის აზრით, ეს დაპირისპირება გარის გამარჯვებით, მსაჯთა გადაწყვეტილებით დასრულდება.

მიუხედავად იმისა, რომ პრატესი მზად იყო ტურნირზე სათადარიგო მებრძოლად გასულიყო, UFC-მ ეს როლი მაიკლ მორალესს მიანიჭა. კარლოსს ეს ფაქტი ხელს არ შეუშლის, პირიქით, ის მიზნად ისახავს მომდევნო ბრძოლაში საჩემპიონო ქამრისთვის სწორედ ამ წყვილში გამარჯვებულს დაუპირისპირდეს.

აღსანიშნავია, რომ გარიმ პრატესს გასულ წელს UFC-ში მისი ერთადერთი მარცხი აგემა, ამიტომ ბრაზილიელს ტიტულთან ერთად რევანშის სურვილიც ამოძრავებს.

პრატესმა დივიზიონის სხვა პრეტენდენტებს სოციალური ქსელით მკაფიო გზავნილი გაუგზავნა:

დამშვიდდით, ძმებო. ჩემს მომდევნო ბრძოლაში ამ ქამარს წავიღებ. ამის შემდეგ კი ყველას მივხედავ და პირდაპირ ტკივილის სამეფოში გაგიშვებთ. მზად იყავით. პირადული არაფერია.