პრემიერ ლიგის თვის მწვრთნელი უნაი ემერი გახდა

ასტონ ვილას მთავარი მწვრთნელი უნაი ემერი პრემიერ ლიგაში დეკემბრის საუკეთესო მწვრთნელად დასახელდა.

2025 წლის ბოლო თვეში ესპანელმა სპეციალისტმა გუნდთან ერთად ექვს მატჩში ხუთი გამარჯვება მოიპოვა და ერთი შეხვედრა დათმო, ბურთების სხვაობა კი +2 ჰქონდა.

ჯილდოზე ასევე ნომინირებულნი იყვნენ მიკელ არტეტა (არსენალი), პეპ გვარდიოლა (მანჩესტერ სიტი) და დანიელ ფარკე (ლიდსი).

ამ ეტაპზე ბირმინგემული კლუბი პრემიერ ლიგის სატურნირო ცხრილში მესამე ადგილზე იმყოფება. ასტონ ვილას 21 მატჩში 43 ქულა აქვს დაგროვილი.

ემერი პრემიერ ლიგაში თვის საუკეთესო მწვრთნელად მესამედ დასახელდა. მან ეს ჯილდო ადრე 2023 წლის აპრილსა და დეკემბერშიც მოიგო.