საფრანგეთის ნაკრების მთავარი მწვრთნელი, დიდიე დეშამი თვლის, რომ პარი სენ-ჟერმენის წარმატება ეროვნულ გუნდზე პირდაპირ გავლენას ვერ იქონიებს.
"არ ვწუწუნებ იმ მოთამაშეებზე, რომლებიც მყავს, მაგრამ ჰაკიმი, მარკინიოსი, პაჩო, ვიტინია ფრანგები არ არიან, არცერთი ნახევარმცველი ფრანგი არაა, კვარაცხელია ქართველია.
ყველაფერს პირდაპირ ვერ დავაკოპირებთ, იმის მიუხედავად, რომ ისინი ძალიან კარგები არიან. შესაძლებელია ამის დაკოპირება? კი. არის ამისთვის დრო? არა. ჩვენ ბევრად ნაკლები დრო გვაქვს.
მე მირჩევნია 10 მოთამაშე მყავდეს 2 კლუბიდან, ვიდრე 10 მოთამაშე 8 კლუბიდან. ისინი ბევრად მარტივად უგებენ ერთმანეთს და რასაც კლუბში აკეთებენ, ეროვნულ გუნდსაც ეხმარება, თუმცა სიტუაცია ყოველთვის ასეთი არ არის.
მაგალითად, დუე და ბარკოლა, ისინი კონკურენტები არიან. ხანდახან ერთად თამაშობენ, მაგრამ ხშირად ერთი სასტარტოშია და მეორე სკამზე.
კლუბში მთელი კვირა ემზადები და თამაშები ერთი მეორეს მიყოლებით გაქვს, ამიტომ ეს სხვა სიტუაციაა." - განაცხადა ფრანგმა სპეციალისტმა.
