ფურია როხას სრული დომინაცია - ესპანეთმა ხორვატიას გადაურბინა

ევრო 2024-ს ჯგუფური ეტაპის პირველ ტურში ესპანეთის ნაკრებმა ხორვატია 3:0 გაანადგურა.

შეხვედრა ბერლინში ოლიმპიაშტადიონზე ფურია როხას სრული დომინაციით წარიმართა, რაც ანგარიშზე პირველივე ტაიმში აისახა.

29-ე წუთზე ფაბიან რუისის პასით ალვარო მორატამ გახსნა ანგარიში, სამ წუთში რუისმა თავად გაიტანა ულამაზესი გოლი პედრი პასით, 45+2 წუთზე კი კარვახალმა ლამინ იამალის ჩაწოდება ჩახურა და საბოლოო ანგარიში დააფიქსირა.

მე-80 წუთზე პეტკოვიჩს ერთი გოლის გაქვეთა შეეძლო, თუმცა თერთმეტმეტრიანის ნიშნულიდან უნაი სიმონს ვერ აჯობა. 

ამ გამარჯვებით ესპანეთმა ჯგუფში პირველი 3 ქულა დააგროვა, ხორვატიამ კი მოულოდნელად სუსტი შთაბეჭდილება დატოვა და პირველი ტურის შემდეგ უქულოდ რჩება.