2026/27 წლების სეზონი ახლოვდება, მაქამდე კი გუნდები წინასასეზონო მზადებას მსოფლიოს სხვადასხვა კონტინენტზე გადიან - დღევანდელ ბლოგში პრესეზონის იმ 10 მატჩს წარმოგიდგენთ, რომელთა გამოტოვებაც თქვენს გეგმებში არ უნდა შედიოდეს.
10. მადრიდის რეალი v შალკე
ჩემპიონთა ლიგის კლასიკად ქცეული დაპირისპირება, რომელიც სამეფო კლუბის გულშემატკივრებმა არ უნდა გამოტოვოთ, 16 აგვისტოს, 19:00-ზე გაიმართება.
9. გალათასარაი v ვილიარეალი
8 აგვისტოს გიორგი მიქაუტაძის ვილიარეალი სტამბოლში გალათასარაის დაუპირისპირდება - მატჩი სტარტს თბილისი დროით 22:00 აიღებს.
8. მანჩესტერი v ატლეტიკო
პირველ აგვისტოს 17:00-ზე კერიკის შეგირდები ჩოლო სიმეონეს გუნდს შვედეთში დაუპირისპირდებიან.
7. ინტერი v მანჩესტერ სიტი
2023 წლის ჩემპიონთა ლიგის ფინალის გამეორება ასევე პირველ აგვისტოს 15:30-ზე შედგება - მატჩი ჰონგ-კონგში გაიმართება.
6. ვრექსემი v სანდერლენდი
თანამედროვე ბრიტანული ფეხბურთის ერთ-ერთი ყველაზე პოპულარული გუნდი ვრექსემი მანჩესტერისა და ლივერპულის შემდეგ კიდევ ერთ პრემიელლიგურ გუნდს დაუპირისპირდება - ჩემპიონშიპში ახლადგადმოსული კლუბი პრესეზონის ბოლო ამხანაგურ მატჩს სანდერლენდის წინააღმდეგ 2 აგვისტოს გამართავს.
5. მანჩესტერი v მილანი
კიდევ ერთი ჩემპიონთალიგური კლასიკა 15 აგვისტოს, 18:45-ზე პოლონეთში გაიმართება.
4. იუვენტუსი v ჩელსი
ჰონგ-კონგის ტურნეს ფარგლებში ერთმანეთს სპალეტისა და ჩაბი ალონსოს გუნდებიც დაუპირისპირდებიან.
3. ლივერპული v კომო
გიორგი მამარდაშვილის ლივერპული წინასასეზონო მზადებას სესკ ფაბრეგასის კომოსთან მატჩით დახურავს - ჩემპიონთა ლიგის გუნდებს შორის დაპირისპირება 16 აგვისტოს, 21:00-ზე შედგება.
2. უდინეზე v ბარსელონა
გიორგი ჩაკვეტაძისა და საბა გოგლიჩიძის უდინეზე ჰანსი ფლიკის ბარსელონას 9 აგვისტოს მიიღებს - მატჩი თბილისის დროით 00:00-ზე აიღებს სტარტს.
1. პსჟ v მანჩესტერი
უეფას სუპერ თასის მატჩამდე ოთხი დღით ადრე, 8 აგვისტოს ხვიჩა კვარაცხელიას პარი სენ-ჟერმენი მანჩესტერ იუნაიტედს შვედეთის ქალაქ გეტებორგში დაუპირისპირდება - შეხვედრა თბილისის დროით 19:00-ზე დაიწყება.
