"ქართველი ხალხი ძალიან ძლიერია" - ჟორჟ სენ-პიერი მერაბ დვალიშვილს შეხვდა

ლას ვეგასში UFC Fight Night-ის დროს ერთმანეთს ორგანიზაციის გდებების რეკორდსმენები ჟორჟ სენ-პიერი და მერაბ დვალიშვილი შეხვდნენ.

მერაბი: "ამას კიდევ გეტყვი, სიგიჟეა. ეს შენი რეკორდი იყო და ახლა ჩემია."

სენ-პიერი: "გილოცავ, შენ ამას ნებისმიერზე უკეთ აკეთებ. ამ საქმეში მეფე ხარ.

მერაბი: "მადლობა. თქვენ ხედავთ ორ მებრძოლს ყველაზე მეტი გდებით."

სენ-პიერი: "რეკორდები იმისთვის არსებობს, რომ მოიხსნას."

მერაბი: "შენი დიდი გულშემატკივარი ვარ. შენი საბრძოლო სტილი მომწონს.

სენ-პიერი: "მადლობა. ქართველი ხალხი ძალიან ძლიერია. ბევრი ქართველი მეხმარებოდა ჭიდაობაში და მიხარია, რომ ამ ყველაფერს წარმოაჩენ."

The Takedown Kings! 🇨🇦🇬🇪 This moment between GSP and Merab at #UFCVegas104 🤝 pic.twitter.com/qA8Tz4D4Xa

— UFC Canada (@UFC_CA) March 16, 2025

ლეგენდარულმა ჟორჯ სენ-პიერმა მერაბთან ერთად ფოტო სოციალურ ქსელშიც გამოაქვეყნა: "ახლახანს UFC Fight Night-ზე გდებების საუკეთესო ხელოვანსა და UFC-ის სუპერმსუბუქი დივიზიონის ჩემპიონ მერაბ დვალიშვილს გადავეყარე."