ყურადღება მადრიდისა და მილანისკენ - ჩემპიონთა ლიგაზე საპასუხო მატჩები იწყება

უეფას ჩემპიონთა ლიგის პლეიოფში საპასუხო მატჩების პირველი დღე შედგება.

დღეს მადრიდის ატლეტიკოსა და ბრიუგეს მატჩი გახსნის (21:45). გუნდებს შორის პირველი შეხვედრა 3-3 დასრულდა და ყველაფერი მეტროპოლიტანოზე გადაწყდება.

ლა ლიგის გასულ ტურში სიმეონეს გუნდმა ესპანიოლი 4-2 დაამარცხა, ბრიუგემ კი ბელგიის ჩემპიონატში ლუვენს სძლია 2-1.

სავარაუდო შემადგენლობები

ატლეტიკო - ობლაკი; ლიორენტე, პუბილი, ჰანცკო, რუჯერი; სიმეონე, კოკე, კარდოსო, ლუკმენი; ალვარესი, სორლოტი

ბრიუგე - მინოლე; საბე, ორდონიესი, მეხელი, სეისი; ლემარეშალი, სტანკოვიჩი; ფორბსი, ვანაკენი, ცოლისი; ტრესოლდი

შეიძლება ითქვას, რომ ნაკლებად სავარაუდოა, რამე შეიცვალოს ლევერკუზენისა და ოლიმპიაკოსის წყვილში. გერმანელებმა პირეოსში 0-2 იმარჯვეს და შეეცდებიან, რომ საკუთარ მოედანზე საქმე ბოლომდე მიიყვანონ (00:00).

ბუნდესლიგის გასულ ტურში ლევერკუზენი სტუმრად უნიონ ბერლინთან 1-0 დამარცხდა, ოლიმპიაკოსმა კი საბერძნეთის ჩემპიონატში პანეტოლიკოსს 2-0 მოუგო.

სავარაუდო შემადგენლობები

ლევერკუზენი - ბლასვიხი; ქუანსა, ანდრიხი, ტაპსობა; ვასკესი, პალასიოსი, გარსია, გრიმალდო; მაზა, პოკუ; შიკი

ოლიმპიაკოსი - ცოლაკისი, კოშტინია, რეცოსი, პიროლა, ორტეგა; მუზაკიტისი, ჰეცე; მარტინისი, ჩიკინიო, პოდენსე; ელ ქააბი

დამაინტრიგებელი ვითარებაა ინტერისა და ბოდო/გლიმტის წყვილში. პირველი მატჩი ნორვეგიული გუნდის გამარჯვებით 3-1 დასრულდა, ახლა კი მილანელები ჯუზეპე მეაცაზე შეეცდებიან სიტუაცია შემოატრიალონ და ორბურთიანი ჩამორჩენა აღმოფხვრან (00:00).

სერია ა-ს ბოლო შეხვედრაში ინტერმა სტუმრად ლეჩეს 0-2 მოუგო, ნორვეგიაში კი მოგეხსენებათ, რომ ჩემპიონატი არ მიმდინარეობს და ბოდო/გლიმტი მხოლოდ ჩემპიონთა ლიგის მატჩებს ატარებს.

სავარაუდო შემადგენლობები

ინტერი - ზომერი; აკანჯი, აჩერბი, ბასტონი; დარმიანი, ბარელა, ჟელინსკი, სუჩიჩი, დიმარკო; ესპოსიტო, ტურამი

ბოდო/გლიმტი - ჰაიკინი; სიოვოლდი, გუნდერსენი, ბიორტუფტი, ბიორკანი; ფეტი, ბერგი, ევიენი; ბლომბერგი, ჰოგი, ჰაუგე

სრულ ფორმალობად არის ქცეული ნიუკასლისა და ყარაბაღის საპასუხო მატჩი. ინგლისელებმა აზერბაიჯანში 1-6 იმარჯვეს, ენტონი გორდონმა პოკერი შეასრულა და მეორე შეხვედრას აზრი დაუკარგა (00:00).

პრემიერ ლიგის გასულ ტურში ნიუკასლი მანჩესტერ სიტისთან 2-1 დამარცხდა, ყარაბაღს კი აზერბაიჯანის ჩემპიონატჩი თამაში არ ჩაუტარებია.

სავარაუდო შემადგენლობები

ნიუკასლი - რამსდეილი; ტრიპიერი, ბოტმანი, ბერნი, მერფი; ჟოელინტონი, ტონალი, რემზი; მერფი, ოსულა, ბარნსი

ყარაბაღი - კოჩალსკი; სილვა, ჰუსეინოვი, მედინა, ჯაფარქულიევი; ბიკალიო, იანოკოვიჩი; ანდრადე, მონტიელი, ზუბირი; დურანი