იტალიის ნაკრებმა ჯენარო გატუზოს ხელმძღვანელობით ყველა თამაში მოიგო.
გუშინ სკუადრა აძურამ ისრაელის ნაკრები 2026 წლის მუნდიალის შესარჩევი ეტაპის მატჩში 3:0 დაამარცხა და მინიმუმ პლეი-ოფში მონაწილეობა გაინაღდა.
იქამდე იტალიამ გატუზოს ხელმძღვანელობით ორჯერ დაამარცხა ესტონეთი - 3:1 და 5:0, სექტემბერში კი იმავე ისრაელს 5:4 სძლია. ამ მატჩებში იტალიელებმა 16 გოლი გაიტანეს და საკუთარ კარში მხოლოდ 5 მიიღეს.
გატუზოს მეთაურობით იტალიამ 12 შესაძლოდან 12 ქულა აიღო, ჯამში კი 15 დააგროვა და მეორე ადგილზე გასვლა გაინაღდა. გუნდს ჯერ კიდევ აქვს შანსი პირველ ადგილზე გავიდეს, თუმცა საამისოდ ნორვეგია ბოლო ტურში ძალიან დიდი ანგარიშით უნდა დაამარცხოს.
13 ნოემბერს იტალიის ნაკრები სტუმრად მოლდოვას დაუპირისპირდება, 16-ში კი ნორვეგიას უმასპინძლებს.
