VIDEO: ნაზგული - ზამთრის ოლიმპიადის მოულოდნელი ოთხფეხა მონაწილე

ადგილობრივმა ძაღლმა ოლიმპიური დიდებისთვის ბრძოლა სცადა, თავისი სახლიდან გაიქცა და რბოლის შუაში, სათხილამურო კროს-ქანთრის ტრასის ფინალურ მონაკვეთზე აღმოჩნდა.

ორი წლის ნაზგული სწრაფად დაიჭირეს და უვნებლად დააბრუნეს მის სახლთან ახლოს მდებარე საოჯახო სასტუმროში, თუმცა მანამდე მისმა მეგობრულმა გამოჩენამ ტელევიზიებისა და სოციალური მედიის არხები მთელ მსოფლიოში მოიცვა.

„ვიფიქრე: ‘ხომ არ მეჩვენება?’ არ ვიცოდი რა უნდა გამეკეთებინა, რადგან შეიძლება თავს დამსხმოდა, ეკბინა.“ - თქვა 21 წლის ხორვატმა მოთხილამურემ, ტენა ჰაძიჩმა, რომელმაც ძაღლი ფინალურ მონაკვეთზე ნახა.

„დღეს დილით ჩვეულებრივზე მეტად ტიროდა, რადგან ხედავდა, რომ მივდიოდით და მგონია, უბრალოდ ჩვენ გამოგვყვა, მას ყოველთვის ხალხის ძებნა უყვარს. ნაზგული ჯიუტი, მაგრამ ძალიან ტკბილი ჩეხოსლოვაკიური მგელძაღლია," - თქვა პატრონმა.

ნაზგულის სეირნობას ფინალურ მონაკვეთზე მნიშვნელოვანი გავლენა არ მოუხდენია კროს-ქანთრის გუნდურ სპრინტზე. თუმცა ჰაძიჩმა თქვა, რომ მისმა პირველმა რეაქციამ, სავარაუდოდ, რამდენიმე წამი დააკარგვინა.

„დიდი მნიშვნელობა არ აქვს, რადგან მედლებისთვის ან რაიმე დიდისთვის არ ვიბრძვი, მაგრამ ფინალში რომ მომხდარიყო, ნამდვილად შეიძლებოდა ვინმეს მედალი ან ძალიან კარგი შედეგი დაეკარგა.“ - თქვა მან.