"ყველამ იცის, როგორც მოვიქეცი იმ დროს", - მოდრიჩმა რეალში ტრანსფერი გაიხსენა

ლუკა მოდრიჩმა 2012 წელს ტოტენჰემიდან მადრიდის რეალში გადასვლა გაიხსენა.

„ერთხელ, ტოტენჰემის მეთაურმა [დანიელ ლევიმ - ავტ] მითხრა: "ერთადერთი კლუბი, რომელშიც გაგიშვებ - რეალ მადრიდია." განურჩევლად იმისა, რამდენად მჯეროდა მაშინ საკუთარი თავის, იმ დროს ეს უბრალოდ მიუღწეველი და შეუძლებელი ჩანდა.

ვკითხე: "კი მაგრამ, რეალი რომ არასდროს მოვიდეს?" მან კი კვლავ გამიმეორა: "ეს არის ერთადერთი კლუბი, სადაც გაგიშვებ."

ევროპის ჩემპიონატის დაწყების წინ დამირეკეს და მითხრეს, რომ რეალი დაინტერესებული იყო. უბრალოდ შოკირებული დავრჩი. საბოლოოდ, ტრანსფერი ძალიან რთულად დაიხურა, ხანგრძლივი და მძიმე მოლაპარაკებები გაიმართა.

ყველამ იცის, როგორ მოვიქეცი იმ დროს [ვარჯიშზე უარი თქვა - ავტ]. ამ ნაბიჯის გადადგმა რთული იყო, თუმცა ჩემი სიტყვა ჩემთვის კანონია. მესმის მოლაპარაკებები და კონტრაქტები, თუმცა ძალიან დამღლელი იყო. ამიტომ გადავწყვიტე ამ ნაბიჯის გადადგმა, რადგან ჩავთვალე, რომ იმ დროს აღარ ვიყავი მზად ამ გუნდის მაისურით სათამაშოდ, თუ საჭირო გახდებოდა." - აღნიშნა ხორვატმა.