არბელოა: „ეს რეალია და აქ დანებებას არავინ აპირებს"

მადრიდის რეალის მთავარი მწვრთნელი, ალვარო არბელოა, ხეტაფესთან მარცხის მიუხედავად (0:1), საჩემპიონო ბრძოლას დასრულებულად არ მიიჩნევს.

ლა ლიგის დასრულებამდე 12 ტურით ადრე, მისი გუნდი ბარსელონას 4 ქულით ჩამორჩება, თუმცა მწვრთნელი ოპტიმიზმს ინარჩუნებს.

ჟურნალისტის კითხვაზე, ნიშნავს თუ არა ეს მარცხი ლა ლიგასთან დამშვიდობებას, არბელოამ მკაფიოდ უპასუხა:

„არა, წინ კიდევ 36 შესაძლო ქულაა და ჩვენი მიზანი სწორედ ამ 36 ქულისთვის ბრძოლაა. დანებებას არავინ აპირებს. გვჯერა, რომ ოთხქულიანი სხვაობის აღმოფხვრა შეგვიძლია.

ეს რეალ მადრიდია და აქ ფარ-ხმალს არავინ ყრის“, — განაცხადა არბელოამ.