რატომ ატირდა ნეიმარი მოედანზე?

სანტოსის ვარსკვლავმა, ნეიმარმა, პალმეირასთან მატჩში (0:0) მიღებული ტრავმის შემდეგ, საკუთარი კლუბის სტადიონის თანამშრომლები გააკრიტიკა.

ცრემლები და ტრავმა

პირველი ტაიმის მიწურულს ბრაზილიელმა ბარძაყის კუნთის ტრავმა მიიღო, მოედანი ცრემლებით დატოვა და თამაში ვეღარ გააგრძელა.

ვის აბრალებს ფეხბურთელი დაზიანებას?

მატჩის შემდეგ ნეიმარმა სოციალურ ქსელში სტადიონის მებაღეები დაადანაშაულა:

საშინელი სამუშაო! გუშინდელი არასწორი დამუშავების გამო, მინდორი ორმოებით იყო სავსე და ისტორიაში ყველაზე ცუდ მდგომარეობაში დაგვხვდა. მეტოქის გარდა, მოედნის წინააღმდეგაც გვიწევს თამაში. შემთხვევითი არაა, რომ პირველ ტაიმში დისკომფორტი ერთბაშად სამმა მოთამაშემ იგრძნო

თავად ნეიმარი უახლოეს დღეებში სამედიცინო შემოწმებას გაივლის და იმედოვნებს, რომ დაზიანება სერიოზული არ აღმოჩნდება.