ესპანეთის ნაკრები რომ 2026 წლის მუნდიალის ერთ-ერთი მთავარი ფავორიტია, ისედაც ყველასთვის ცნობილია. დღევანდელ ბლოგში მოგიყვებით იმ დამთხვევებსა თუ ნიშნებზე, რაც გულშემატკივრებს ფურია როხას კიდევ ერთ ტრიუმფში არწმუნებს.
ევროპის ჩემპიონები
როგორც 2010 წლის მუნდიალს, ფურია როხა 2026 წლის მსოფლიო თასსაც ევროპის ჩემპიონის სტატუსით ხვდება. 2008 წლის შემდეგ პირველად ესპანეთმა ევრო 2024 წელს მოიგო.
ბარსელონას ბაზა
ისევე როგორც დელ ბოსკეს გუნდში, დე ლა ფუენტეს დასაყრდენიც ბარსელონაა - 2010 და 2026 წლების სამუნდიალო განაცხადში 8 ბარსელონელია.
2010 წელს დელ ბოსკეს განკარგულებაში ვიქტორ ვალდესი, პიკე, პუიოლი, ბუქკეტსი, ჩავი, ინიესტა, პედრო და დავიდ ვილია იყვნენ, ხოლო დე ლა ფუენტეს ნაკრებში, ჟოან გარსია, ერიკ გარსია, კუბარსი, გავი, პედრი, დანი ოლმო, ფერან ტორესი და ლამინ იამალი არიან.
მოურინიოს დაბრუნება
ისევე როგორც ამ ზაფხულს, 2010 წლის ზაფხულშიც რეალი ჟოზე მოურინიომ ჩაიბარა.
ატლეტიკო თასის ფინალში
ისევე როგორც 2010 წლის კოპა დელ რეის ფინალში, ატლეტიკო მადრიდი წელსაც დამარცხდა. მაშინ მადრიდელებს სევილიამ სძლია, ხოლო ჩოლოს ბიჭები რეალ სოსიედადთან დამარცხდნენ.
მექსიკის ნაკრები
ისევე როგორც 2010 წლის მუნდიალზე, მექსიკას წლევანდელ მსოფლიოზეც ხავიერ აგირე წვრთნის.
ასევე, 2010 მუნდიალის მსგავსად, მსოფლიო თასის გახსნით მატჩში, ერთმანეთს მექსიკა და სამხრეთ აფრიკა დაუპირისპირდებიან - როგორც 2010 წელს, მატჩი წელსაც 11 ივნისს გაიმართება.
ჯგუფი H
როგორც 2010 წლის მუნდიალზე, ფურია როხა კვლავ H ჯგუფში მოხვდა.
EA FC-ის პროგნოზი
ცნობილმა საფეხბურთო სიმულატორმა EA FC-მ (ყოფილმა FIFA-მ) უკვე ზედიზედ 4 მსოფლიო თასის გამარჯვებული გამოიცნო - როგორც 2010 წლის მუნდიალის წინ, EA-მ კვლავ ესპანეთის გამარჯვება იწინასწარმეტყველა.
გახდება დე ლა ფუენტეს ფურია როხა მუნდიალის გამარჯვებული ისტორიაში მეორედ?
