უეფას ჩემპიონთა ლიგის მე-3 ტურის მეორე სათამაშო დღეს საინტერესო მატჩები გაიმართება.
ნაადრევ შეხვედრაში სან მამესზე ატლეტიკი ყარაბაღს უმასპინძლებს, რომელმაც სეზონი საოცრად დაიწყო.
აზერბაიჯანულმა გუნდმა ლისაბონში ჯერ ბენფიკა დაამარცხა, შემდეგ კი სახლში კოპენჰაგენს მოუგო და 6 ქულა აქვს, ბილბაოს კი არსენალთან და დორტმუნდთან წაგებების შემდეგ ჯერ კიდევ 0 ქულა აქვს და ყარაბაღთან პირველი ქულების მოსაპოვებლად იბრძოლებს.
პარალელურად, გალათასარაი, რომელმაც წინა ტურში ლივერპულს მოუგო სახლში ბოდო/გლიმტს მიიღებს, რომელმაც ორივე მატჩი 2-2 ითამაშა, ჯერ პრაღის სლავიასთან და შემდეგ ტოტენჰემთან.
დღის და ალბათ მთლიანად ტურის ცენტრალური მატჩიც სანტიაგო ბერნაბეუზე გაიმართება, სადაც მადრიდის რეალი იუვენტუსს დაუპირისპირდება.
ალონსოს გუნდი მარსელთან და კაირათთან მოგებების შემდეგ შეეცდება ტურინელებიც დაამარცხოს, ტუდორის შეგირდები კი შეეცდებიან 2 ფრედ დასრულებული თამაშის შემდეგ (დორტმუნდი, ვილიარეალი) ამ სეზონში პირველი გამარჯვება მოიპოვონ.
საოცარ ფორმაშია კილიან მბაპე, რომელმაც კლუბსა და ნაკრებში ზედიზედ 11 მატჩში შეძლო გოლის გატანა და ჩემპიონთა ლიგის ბომბარდირთა დავას 5 გოლით ლიდერობს.
სავარაუდო შემადგენლობები
რეალი - კურტუა; ვალვერდე, ჰაუსენი, ედერ მილიტაო, კარერასი; არდა გიულერი, ჩუამენი, ბელინგემი; მასტანტუონო, მბაპე, ვინისიუს ჟუნიორი
იუვენტუსი - დი გრეგორიო; რუგანი, კელი, გატი; კამბიასო, კოოპმაინერსი, ლოკატელი, კალულუ; ფრანსისკო კონსეისაუ; დავიდი, ქენან ილდიზი
მორიგი გამოწვევა ელის გიორგი მამარდაშვილს, რომელიც ლივერპულთან ერთად ფრანკფურტს ეწვევა და ადგილობრივ აინტრახტს დაუპირისპირდება.
ორი ტურის შემდეგ ორივე გუნდი ერთნაირ მდგომარეობაში, პირველ მატჩში აინტრახტმა გალათასარაი გაანადგურა 5-1, ლივერპულმა კი ატლეტიკოს მოუგო 3-2. მეორე შეხვედრაში გერმანელები ატლეტიკოსთან განადგურდნენ 5-1, ინგლისელებმა კი გალათასარაისთან წააგეს 1-0.
სლოტის გუნდს ზედიზედ 4 მატჩი აქვს წაგებული და ენფილდზე მანჩესტერ იუნაიტედთან მარცხის შემდეგ, შეეცდება წაგებათა სერია დაასრულოს.
სავარაუდო შემადგენლობები
აინტრახტი - ზეტერერი; კრისტენსენი, კოლინსი, კოხი, თეტი; ლარსონი, ჩაიბი; დოუნი, უზუნი, ბრაუნი; ბურკარდტი
ლივერპული - მამარდაშვილი; ფრიმპონგი, კონატე, ვან დაიკი, კერკეზი; მაკ ალისტერი, გრავენბერხი; სალაჰი, სობოსლაი, გაკპო; ისაკი
საინტერესო მატჩი შედგება ლონდონშიც, სადაც ჩელსი სტემფორდ ბრიჯზე აიაქსს მიიღებს. ყველას გვახსოვს ამ გუნდებს შორის უხვგოლიანი თამაში, რომლის გამეორების იმედი ახლაც გვაქვს.
ჩელსი პირველ ტურში ბაიერნთან დამარცხდა, მეორე მატჩში კი ბენფიკას მოუგო. რაც შეეხება აიაქსს, ამსტერდამელები ინტერთან და მარსელთან მშრალად წაგებული თამაშების შემდეგ 0 ქულით ლიგის ფაზაში ბოლო ადგილზე არიან.
სავარაუდო შემადგენლობები
ჩელსი - სანჩესი; ჯეიმსი, ტოსინი, ფოფანა, კუკურელია; კაისედო, ლავია; ნეტუ, ბუონანოტე, გარნაჩო; ჯორჯი
აიაქსი - იაროში; გააეი, შუტალო, ბაასი, როსა; კლაასენი, გლუხი, ტეილორი; ედვარდსენი, ვეგჰორსტი, გოდტსი
20:45
ატლეტიკი - ყარაბაღი
გალათასარაი - ბოდო/გლიმტი
23:00
ატალანტა - სლავია
ბაიერნი - ბრიუგე
ჩელსი - აიაქსი
აინტრახტი - ლივერპული
მონაკო - ტოტენჰემი
რეალი - იუვენტუსი
სპორტინგი - მარსელი
