მადრიდის რეალი ტიბო კურტუას გამო შიდა პოლიტიკის დარღვევას აპირებს.
სამეფო კლუბში 30 წელს გადაცილებული ფეხბურთელებისთვის კონტრაქტის მაქსიმუმ 1 წლით გახანგრძლივების წესი არსებობს. თუმცა, Relevo-ს ინფორმაციით, ბელგიელი მეკარის გამო, რეალი მზადაა ეს წესი დაარღვიოს და კურტუას 2-წლიანი კონტრაქტი შესთავაზოს.
მხარეებს შორის შეთანხმება რთული მისაღწევი არ იქნება და სავარაუდოდ, ტიბო კონტრაქტს სეზონის ბოლოს ოფიციალურად გააახანგრძლივებს, რადგან თავადაც რეალში დარჩენა სურს.
მოქმედი ხელშეკრულება კურტუას რეალთან 2026 წლის ზაფხულს ეწურება, თუმცა მხარეები დიდი ალბათობით თანამშრომლობას მინიმუმ 2028-მდე გააგრძელებენ.
