მადრიდის რეალი კომოს არგენტინელი ნახევარმცველის, ნიკო პასის დაბრუნებას სერიოზულად განიხილავს.
The Athletic-ის ინფორმაციით, უახლოეს დღეებში 20 წლის ფეხბურთელთან დაკავშირებით სიახლეები გვექნება. რეალს სურს, პასი მსოფლიო საკლუბო ჩემპიონატამდე დაიბრუნოს და ამასთან დაკავშირებით კომოსთან მოლაპარაკებებს სულ მალე დაიწყებს.
ამ ზაფხულს რეალს ნიკოს დაბრუნება 8 მილიონ ევროდ შეუძლია და კლუბი ამ შესაძლებლობის გამოყენებას აპირებს.
უახლოეს დღეებში მადრიდული კლუბი ფეხბურთელის წარმომადგენლებს შეხვდება, სადაც კანტერანოს მომავალი ოფიციალურად გადაწყდება.
ნიკო პასი კომოში გასულ ზაფხულს სწორედ რეალიდან გადავიდა, რომლის აღზრდილიც არის. ამ სეზონში მან სერია ა-ს 35 მატჩში 6 გოლი და 9 საგოლე გადაცემა მიითვალა და ტურნირის საუკეთესო ახალგაზრდა ფეხბუთელადაც დასახელდა.
