მას შემდეგ, რაც ლუკა მოდრიჩმა კლუბი დატოვა, რეალში 10-ნომრიანი მაისური კილიან მბაპემ დაისაკუთრა.
ფრანგი ვარსკვლავი გასულ სეზონში 9-ნომრიანი მაისურით თამაშობდა, რომელიც მბაპეს ნომრის ცვლილების შემდეგ ვაკანტური გახდა.
ესპანური პრესა წერდა, რომ დიდი ალბათობით, ახალი სეზონიდან რეალში 9-ნომრიანი მაისურით ფორვარდი გონსალო გარსია ითამაშებდა, რომელმაც მსოფლიო საკლუბო ჩემპიონატზე გაიბრწყინა და 4 გოლიც შეაგდო.
თუმცა, The Athletic-ის ცნობით, ახალ სეზონში რეალის ახალი "ცხრიანი" ბრაზილიელი ენდრიკი იქნება, რომელიც კლუბს 2024 წლის ზაფხულში პალმეირასიდან შეუერთდა.
პირველ სეზონში ანჩელოტის ხელმძღვანელობით ენდრიკს მცირე სათამაშო დრო ეძლეოდა, მან რამდენიმე ტრავმაც გადაიტანა და მეტიც, ახლაც ტრავმირებულია, თუმცა ახალი სეზონიდან რეალის ახალი "ცხრიანი" სწორედ ბრაზილიელი იქნება.
