,,რეალში უბრალოდ მწვრთნელი არ უნდა იყო" - ბეილი ზიდანსა და ანჩელოტიზე

გარეტ ბეილმა ზინედინ ზიდანისა და კარლო ანჩელოტის სამწვრთნელო უნარებსა და რეალის გაწვრთნის სპეციფიკაზე ისაუბრა.

„ზიდანი როგორც მწვრთნელი? გულწრფელად გეტყვით, ის ძალიან ბევრი რამეს არ აკეთებდა. ბარსელონასთან ან ბაიერნთან თამაშამდე ცოტა ტაქტიკაზე ვიმუშავებდით, დაახლოებით 15 წუთს თავდაცვით ტაქტიკაზე.

ამის გარდა, უბრალოდ ბურთის ფლობის თამაშები, კარში დარტყმები და მერე სახლში წასვლა იყო. მაგრამ პატივისცემა ჰქონდა იმის გამო, როგორი ფეხბურთელიც იყო. ვარჯიშებშიც ერთვებოდა, რამდენიმეჯერ მეც მომატყუა, ისევ ჰქონდა ის კლასი.

კარლოს (ანჩელოტის) მოთამაშეებთან ურთიერთობა საუკეთესო იყო. მაშინაც კი, თუ არ თამაშობდი, ისე გაგრძნობინებდა თავს, თითქოს მისი საუკეთესო მეგობარი იყავი. მას ჰქონდა უნარი, რომ ყველა ბედნიერი და მაქსიმალურად მოტივირებული ჰყოლოდა.

ანჩელოტი თითქოს შენი საუკეთესო მეგობარი იყო. მაგრამ ჰქონდა გადამრთველი, თუ კარგად არ ვარჯიშობდი… ყველას, ვისაც საჭირო იყო, მკაცრად უსაყვედურებდა. იგივე იყო შესვენებაზეც, მაგრამ მას იდეალური ბალანსი ჰქონდა.

ადრეც ვთქვი: მადრიდში შენ არ უნდა იყო უბრალოდ მწვრთნელი, უნდა მართავდე მოთამაშეებს. რა თქმა უნდა, გარკვეულ ტაქტიკურ რაღაცებს უნდა აკეთებდე, მაგრამ ეს ძალიან ბევრი არ უნდა იყოს.

მე არ გამკვირვებია, როცა ჩაბი ალონსო გაათავისუფლეს. რეალში თუ ზედმეტს აკეთებ, მოთამაშეებს ეს არ მოსწონთ. უბრალოდ უნდა იყო შესანიშნავი მენეჯერი და არა აუცილებლად საოცარი ტაქტიკოსი.

საუკეთესო მწვრთნელი, ვისთანაც მიმუშავია? კარლო ანჩელოტი.“ - ისაუბრა ბეილმა პოდკასტ The Overlap-ში.

ბეილი: „რეალში უპირატესობას ყოველთვის ჩემპიონთა ლიგას ვანიჭებდით"