ოლივერ კანი: „რატომ ვერ შეეწყობიან კლოპი და რეალი?"

ბაიერნის ყოფილმა მეკარემ, ოლივერ კანმა, ისაუბრა იმის შესახებ, შეუძლია თუ არა იურგენ კლოპს რეალის სათავეში ჩადგომა.

„იურგენი არის ის, ვისაც შენება და განვითარება უყვარს. ის მუშაობს გარკვეული სისტემით, რომელსაც ხელმძღვანელობს.

რეალი სხვა რამ არის. რეალი - ეს ცალკეული პიროვნებები და სუპერვარსკვლავებია, რომლებიც კატეგორიულად ეწინააღმდეგებიან ნებისმიერ თავსმოხვეულ კონცეფციას. ჩვენ ეს ჩაბი ალონსოს მაგალითზეც ვნახეთ.

საკითხავი ის არის, აქვს თუ არა მწვრთნელს პატივისცემა, შეუძლია თუ არა მოთამაშეებთან საერთო ენის პოვნა, შეუძლია თუ არა ვარსკვლავებთან მუშაობა და მათი დარწმუნება იმ სისტემის საჭიროებაში, რომლის გამოყენებასაც ის აპირებს“, — განაცხადა ოლივერ კანმა.

გავრცელებული ინფორმაციით, ლივერპულის ყოფილმა თავკაცმა რეალში დანიშვნის იდეაზე საბოლოო უარი განაცხადა.