ჰოლივუდის ვარსკვლავის, ენ ჰეთეუეის, აღფრთოვანება არსენალის მიმართ უკვე დიდი ხანია ცნობილია, თუმცა ახლა ამ სიყვარულის ისტორიის დეტალებიც გახდა ცნობილი.
როგორ დაიწყო მისი არსენალის მიმართ სიმპათია?
BBC-სთან ერთ-ერთ ბოლო ინტერვიუში ჰეთეუეიმ გაამხილა, რომ მისი კავშირი კლუბთან მამის მხარდაჭერიდან იწყება.
ფილმის The Devil Wears Prada 2-ის პრემიერის კვირეულში, კოლეგა მერილ სტრიპთან ერთად საუბრისას, მან გაიხსენა, როგორ დაიწყო ყველაფერი:
იყო გუნდი, რომელსაც ‘უძლეველები’ (Invincibles) ერქვა - შესაძლოა, ისტორიაში საუკეთესო გუნდი - ტიერი ანრის ლიდერობით. მამაჩემი უყურებდა მატჩს, სადაც ჯეიმს მაკევოი კომენტატორი იყო და სწორედ მაშინ ის არსენალის გულშემატკივარი გახდა და როცა ოჯახში ვინმე გუნდს აირჩევს, ყველა მას მიჰყვება.
სტრიპმა ამ ისტორიაზე გაიცინა, რის შემდეგაც ჰეთეუეიმ დაამატა:
ჩვენ ძალიან კარგი გუნდი გვყავს და თუ ვინმე შეძლებს წარმატებას, სწორედ ეს გუნდია. ჩრდილოეთ ლონდონი სამუდამოდ - როგორი ამინდიც არ უნდა იყოს.
ენ ჰეთეუეის ბოლო რამდენიმე წლის განმავლობაში არ დაუმალავს თავისი მხარდაჭერა არსენალის მიმართ - ის ხშირად აქვეყნებს სოციალურ ქსელებში ფოტოებს გუნდის მაისურით ან აკეთებს მინიშნებებს გუნდის ბოლო შედეგებზე.
ბევრმა გულშემატკივარმა ამ კვირაში შენიშნა, რომ ჰეთეუეი ლონდონში, The Devil Wears Prada-ს პრემიერაზე წითელ ხალიჩაზე არსენალის მაისურით გამოვიდა, რომელიც მხარზე ჰქონდა გადაფარებული - სავარაუდოდ, ეს მას ერთ-ერთმა ფანმა აჩუქა.
