2026 წლის ოქროს ბურთის დაჯილდოებაზე ოფიციალური შედეგები და გულშემატკივართა მოლოდინები ერთმანეთს რადიკალურად ასცდა.
France Football-ის ექსპერტთა პანელის გადაწყვეტილებით, ჯილდო ჰარი კეინმა მოიპოვა, მეორე ადგილზე კილიან მბაპე გავიდა, ხოლო ბარსელონას და ესპანეთის ნაკრების ვარსკვლავი, ლამინ იამალი მესამე პოზიციას დასჯერდა.
თუმცა, საზოგადოების არჩევანი სრულიად განსხვავებული იყო. ესპანური გამოცემა Sport გლობალური ანალიტიკური პლატფორმის, Betfair-ის მონაცემებზე დაყრდნობით წერს, რომ საერთაშორისო საზოგადოების მხარდაჭერის 64% სწორედ ლამინ იამალმა მიიღო. ოფიციალურმა გამარჯვებულმა, ჰარი კეინმა ხმების მხოლოდ 17% დააგროვა, მბაპემ კი 6%.გამოდის, რომ ახალგაზრდა ესპანელმა ფეხბურთელმა იმაზე მეტი ხმა მიიღო, ვიდრე ყველა სხვა დანარჩენმა კანდიდატმა ერთად (დანარჩენებზე ჯამში 36% განაწილდა).
უნდა აღინიშნოს, რომ ეს მაჩვენებელი უბრალო გამოკითხვას არ ეფუძნება. Betfair-ის მომხმარებლები ფსონს საკუთარი ფინანსებით აკეთებენ, რაც მათ მყარ რწმენაზე მეტყველებს. გულშემატკივრები სრულად იყვნენ დარწმუნებულნი, რომ მსოფლიოს საუკეთესო მოთამაშის წოდებას იამალი იმსახურებდა. სტატისტიკური ანალიზით, მთელი სეზონის განმავლობაში მოგების ყველაზე მაღალი ალბათობა (საშუალოდ 25.7%) ჰარი კეინს ჰქონდა.
საბოლოო სურათი კი ასეთია: ინგლისელი თავდამსხმელი სტატისტიკის, ტიტულებისა და ანალიზის მეფეა, ლამინ იამალმა კი ხალხის გულები მოიგო.მიუხედავად ოფიციალური პანელის გადაწყვეტილებისა, ემოციური და სანახაობრივი თამაშით გულშემატკივრებისთვის საუკეთესო მოთამაშე სწორედ ის გახდა.
