ჩემპიონთა ლიგის პირველ 1/2 ფინალში პსჟ-მ სტუმრად არსენალი 1:0 დაამარცხა.
მატჩის ერთადერთი გოლი მე-4 წუთზე უსმან დემბელემ ხვიჩა კვარაცხელიას საგოლე პასით გაიტანა.
ქართველმა ემირეითსზე სრული მატჩი ჩაატარა და გამოცემა SofaScore-სგან 7.4 შეფასება მიიღო.
კვარაცხელიამ 18-დან 17 ზუსტი პასი შეასრულა (94%), სამი დარტყმიდან ჩარჩოში ერთი მოახვედრა და 15-დან 8 ორთაბრძოლის მოგება შეძლო.
საპასუხო დაპირისპირება 7 მაისს, პარიზში გაიმართება, სადაც პსჟ დაწყებული საქმის ბოლომდე მიყვანას და ფინალში გასვლას შეეცდება.
