როგორი სიტუაციაა ერთა ლიგის ჯგუფში ორი ჩატარებული ტურის შემდეგ?

ორი სათამაშო ტურის შემდეგ, ერთა ლიგაზე საქართველოს ჯგუფში საინტერესო ვითარება განვითარდა.

საქართველომ ორივე თავისი მატჩი მოიგო და ჯგუფს ერთპიროვნულად, 6 ქულით ლიდერობს.

იმ დროს, როცა ჩვენ ალბანეთს ტირანაში ვუგებდით, პარალელურად ჩეხეთსა და უკრაინას შორის უხვგოლიანი დაპირისპირება გაიმართა, რომელშიც ჩეხებმა 3:2 იმარჯვეს და ჯგუფში პირველი სამი ქულაც დააგროვეს.

ამრიგად, ერთადერთი ნაკრები, რომელიც ორი ტურის შემდეგ უქულოდ არის - უკრაინაა, რომელმაც პირველ ტურში ალბანეთთან წააგო, მეორეში კი - ჩეხეთთან. მომდევნო მატჩს სერგეი რებროვის გუნდი 11 ოქტომბერს, საქართველოს ნაკრების წინააღმდეგ, პოლონეთში გამართავს.

2 ტურის შემდეგ კი ასეთი სიტუაციაა:

1. საქართველო - 6 ქულა (გოლები 5:1)

2. ალბანეთი - 3 ქულა (2:2)

3. ჩეხეთი - 3 ქულა (4:6)

4. უკრაინა - 0 ქულა (3:5).