როგორია ნეიმარის მდგომარეობა? - ბრაზილიის ფედერაციის განცხადება

ბრაზილიის ფეხბურთის ფედერაციამ დაადასტურა, რომ ნეიმარის სამედიცინო გამოკვლევების შედეგები მისი მკურნალობის პროცესში დადებით პროგრესს აჩვენებს.

ბრაზილიაში ოპტიმიზმი იზრდება მსოფლიო ჩემპიონატის პირველ მატჩამდე, სადაც ნაკრები მაროკოს დაუპირისპირდება. ნეიმარის ჩატარებულმა MRI (მაგნიტურ-რეზონანსულმა ტომოგრაფიამ) აჩვენა, რომ მისი რეაბილიტაცია წარმატებით მიმდინარეობს.

მიუხედავად იმისა, რომ ეს სიახლე დამაიმედებელია, მისი დაბრუნების ზუსტი თარიღი ჯერ არ არის განსაზღვრული. ნეიმარი რეაბილიტაციის გეგმას თავდაპირველად გაწერილი პროგრამის შესაბამისად გააგრძელებს.

ბრაზილიის ფეხბურთის ფედერაციის განცხადება ნეიმარ ჟუნიორის მდგომარეობის შესახებ:

ნეიმარს ორშაბათს MRI ჩაუტარდა და გამოკვლევებმა აჩვენა, რომ მისი მკურნალობის პროცესი მოსალოდნელი პარამეტრების ფარგლებში დადებითად ვითარდება.

„ის გააგრძელებს აღდგენით პროცესს ბრაზილიის ეროვნული ნაკრების სამედიცინო კომისიის მიერ შემუშავებული გეგმის შესაბამისად.“

კარლო ანჩელოტის უკვე ნათქვამი ჰქონდა, რომ მსოფლიო ჩემპიონატზე ნეიმარს ბოლომდე დაელოდებოდნენ, ხოლო ბრაზილიის ნაკრების მე-10 ნომერი ყველაფერს აკეთებს იმისთვის, რომ ტურნირს მაქსიმალურად კარგ ფორმაში შეხვდეს.