როი კინი: "ლივერპული ძალიან ცუდი ჩემპიონია"

მანჩესტერ იუნაიტედის ყოფილმა ფეხბურთელმა როი კინმა პრემიერ ლიგის მიმდინარე სეზონში ლივერპულის გამოსვლა შეაფასა.

არნე სლოტის გაწვრთნილი გუნდი ჩემპიონატის 21 მატჩში 35 ქულით მეოთხე ადგილზეა და ლიდერ არსენალთან ჩამორჩენა 14 ქულას შეადგენს.

„ისინი ცუდი ჩემპიონები არიან. როცა დიდ კლუბში თამაშობ და ტიტულს იგებ, ყოველთვის გადამწყვეტია, რას გააკეთებ შემდეგ სეზონში.

როცა ლივერპულმა ოთხი–ხუთი წლის წინ მოიგო ტიტული, შემდეგ სეზონშიც სერიოზულად ჩამორჩა. თუმცა, მაშინ ამას თავისი მიზეზები ჰქონდა — ტრავმები და ცვლილებები შემადგენლობაში.

ჩამორჩენა ძალიან დიდია. ისინი იმ დონეს 14 ქულით ჩამორჩებიან, სადაც შარშან იყვნენ — ეს სერიოზული ვარდნაა. ჩემპიონს ყოველთვის სხვადასხვა პრობლემა ხვდება წინ — ტრავმები, ტრავმების განმეორება და სხვა. ვფიქრობ, მათ საკმარისი ძალისხმევა არ გამოიჩინეს“, — თქვა როი კინმა.