არსენალისა და ლივერპულის მატჩის ბოლოს გაბრიელ მარტინელისა და კონორ ბრედლის შორის მომხდარი ინციდენტის შემდეგ, ბრაზილიერმა სოციალურ ქსელში განცხადება გამოაქვეყნა.
"მე და კონორმა ვილაპარაკეთ და მას ბოდიში უკვე მოვუხადე. ცხელ გულზე ვერ მივხვდი, რომ ის სერიოზულად ტრავმირებული იყო.
მინდა ვთქვა, რომ ვწუხვარ ასეთი რეაქციისთვის. კონორს მალე გამოჯანმრთელებასა და ყველაფერ საუკეთესოს ვუსურვებ." - წერს მარტინელი.
ემირეითსზე გამართული მატჩის ბოლოს, რომელიც 0-0 დასრულდა, არსენალის შემტევმა ლივერპულის ტრავმირებული მცველი, რომელიც მოედანზე იწვა, მის ფარგლებს გარეთ გადააგდო, რაზეც გულშემატკივრებისა და ექსპერტების უარყოფითი რეაქცია მოჰყვა.
