რომა ზაფხულისთვის ანჩელოტის უმიზნებს

როგორც იცით, რომას ამ სეზონში უკვე მე-3 მწვრთნელი, კერძოდ კი კლაუდიო რანიერი წვრთნის.

სეზონის დაწყებიდან რომაელებმა ჯერ დანიელე დე როსი გაუშვეს, შემდეგ კი ივან იურიჩი.

DAZN-ის ჟურნალისტის, ორასიო აკომანდოს ინფორმაციით, დედაქალაქელებს 2025-ს ივნისში მადრიდის რეალის თავკაცის, კარლო ანჩელოტის დანიშვნა სურთ.

კარლოს დათანხმება ადვილი არ იქნება, მაგრამ შეთანხმება შეუძლებელიც არ არის. 

დღეს გავრცელდა ინფორმაცია, რომ ანჩელოტიმ გადაწყვიტა, მადრიდის რეალი სეზონის ბოლოს ყველანაირი შედეგის შემთხვევაში დატოვოს. 

სეზონის ბოლოს რანიერი რომას მწვრთნელის პოსტს დატოვებს, თუმცა კლუბში სხვა თანამდებობაზე დარჩება.