"რონალდუ კმაყოფილი იქნებოდა", - დალოტი მანჩესტერის განახლებულ ბაზაზე

დიოგუ დალოტის აზრით, კრიშტიანუ რონალდუს მანჩესტერის განახლებული ბაზა მოეწონებოდა.

2022 წელს, რონალდუს კლუბიდან წასვლას მისი ინტერვიუ უძღვოდა წინ, რომელშიც მან მანჩესტერის ინფრასტრუქტურა და სავარჯიშო ბაზა დაიწუნა. 

რამდენიმე დღის წინ, კარინგტონში მანჩესტერის განახლებული ბაზა გაიხსნა, რომლის რეკონსტრუქციაც 50 მილიონი ფუნტი დაჯდა.

„ვფიქრობ, როგორც იქნა გავედით იმ დონეზე, რომელსაც ეს კლუბი იმსახურებს. ახლა ისღა დაგვრჩენია, ამ სტანდარტებს მოედანზეც შევესაბამებოდეთ.

თუ ისეთ კლუბზე ვსაუბრობთ, როგორიც მანჩესტერ იუნაიტედია, მაშინ მსოფლიოში საუკეთესო პირობებიც უნდა გვქონდეს. ყველაზე მეტად ის მომწონს, რომ ახლა თავს ვეღარაფრით გავიმართლებთ.

დარწმუნებული ვარ, კრიშტიანუ რონალდუ კმაყოფილი იქნებოდა, ეს ბაზა რომ ენახა. ვფიქრობ, მისი გზავნილი მიღებული იყო - ეს კლუბი მეტს იმსახურებს. ჯიმ რეტკლიფი და მისი გუნდი დაფასებას იმსახურებენ." - აღნიშნა პორტუგალიელმა ფეხბურთელმა.

მანჩესტერ იუნაიტედმა შეშკოს ტრანსფერი ოფიციალურად დაადასტურა