მას შემდეგ, რაც რონალდუმ საუდის არაბეთის ლიგაში ალ-ნასრი - ალ-ნაჟმას მატჩში (5:2) დუბლი შეასრულა, მან კიდევ ერთი ნაბიჯი გადადგა კარიერის მე-1000 გოლისკენ.
პორტუგალიურმა გამოცემა A Bola-მ დებატები წამოიწყო და ეჭვქვეშ დააყენა მისი სტატისტიკა - პორტუგალიელ ვარსკვლავს 967 ოფიციალური გოლი აქვს თუ 961?
ექვსგოლიანი სხვაობა უკავშირდება რონალდუს გამოსვლას 2023 წლის არაბულ ჩემპიონთა თასზე. ტურნირზე, რომელიც ახლო აღმოსავლეთში გაიმართა და ალ-ნასრის ჩემპიონობით დასრულდა. გაურკვევლობას იწვევს ის ფაქტი, რომ ამ შეჯიბრებას ფიფა ოფიციალურად არ აღიარებს.
პრაქტიკაში, ორგანიზაცია მას ამხანაგურ ან წინასასეზონო ტურნირად განიხილავს, მიუხედავად რეგიონის ტრადიციული კლუბების მონაწილეობისა. ფიფას მხრიდან ამ სტატისტიკის ვალიდურობაზე საბოლოო გადაწყვეტილების გარეშე, ზოგი 967 გოლს ითვლის (ტურნირის ჩათვლით), ზოგი კი — 961-ს (მის გარეშე).
CR7-ის გოლების დეტალური მაჩვენებელი
41 წლის თავდამსხმელის გოლების რაოდენობა გუნდების მიხედვით ასე ნაწილდება:
რეალ მადრიდი: 450 გოლი
მანჩესტერ იუნაიტედი: 145 გოლი
პორტუგალიის ნაკრები: 143 გოლი
იუვენტუსი: 101 გოლი
სპორტინგი: 5 გოლი
ალ-ნასრი: 123 გოლი (ან 117, თუ არაბული ტურნირის გოლებს გამოვაკლებთ)
კრიშტიანუ რონალდუს 1000-გოლიან ნიშნულამდე ან 33 (967-ის შემთხვევაში), ან 39 გოლი (961-ის შემთხვევაში) აშორებს.
სეზონის ბოლომდე რონალდუს მაქსიმუმ 10 მატჩის ჩატარება შეუძლია (შვიდი საუდის ლიგაში და სამი აზიის ჩემპიონთა ლიგაზე, ფინალში გასვლის შემთხვევაში). მისი კონტრაქტი კლუბთან 2027 წლის ივნისამდეა ძალაში.
ამის შემდეგ კრიშტიანუ 2026 წლის მსოფლიო ჩემპიონატზე ითამაშებს. ჯგუფურ ეტაპზე პორტუგალია კონგოს დემოკრატიულ რესპუბლიკას, უზბეკეთსა და კოლუმბიას დაუპირისპირდება. ფინალამდე მიღწევის შემთხვევაში, მას ტურნირზე 7 მატჩის ჩატარება შეეძლება.
