რონალდუს მორიგი რეკორდი და ალ ნასრში წაგებული კიდევ ერთი ფინალი

საუდის არაბეთის სუპერ თასის ფინალში ალ ნასრი ალ აჰლის დაუპირისპირდა.

მატჩის ძირითად დროში გამარჯვებული ვერ გაირკვა. გუნდებმა უხვგოლიანი ფრე 2-2 დააფიქსირეს.

41-ე წუთზე კრიშტიანუ რონალდუმ ანგარიში ზუსტი პენალტით გახსნა. პორტუგალიელმა ამ გოლით მორიგი რეკორდი დაამყარა და გახდა პირველი მოთამაშე ისტორიაში, რომელმაც 100 გოლი 4 განსხვავებულ კლუბსა და ნაკრებში გაიტანა.

რონალდუმ 100 გოლზე მეტი მანჩესტერ იუნაიტედში, მადრიდის რეალში, იუვენტუსში, ალ ნასრსა და პორტუგალიის ნაკრებში მიითვალა.

თუმცა ამ გოლის მიუხედავად, ალ ნასრმა პირველი ტაიმის მოგება ვერ მოახერხა. კომპენსირებულ დროში ფრანკ კესიმ ანგარიში გაათანაბრა.

82-ე წუთზე ალ ნასრი წინ მარსელო ბროზოვიჩმა გაიყვანა, თუმცა გუნდმა უპირატესობის შენარჩუნება კვლავ ვერ შეძლო და 89-ე წუთზე იბანიესისგან გოლი გაუშვა.

90 წუთის შემდეგ პირდაპირ პენალტების სერია დაინიშნა, სადაც ალ აჰლიმ 5-3 იმარჯვა. ალ ნასრის მხრიდან დარტყმა ალ ხაიბარიმ ვერ გამოიყენა, გამარჯვებული გუნდის მხრიდან კი გადამწყვეტი დარტყმა გალენომ შეასრულა ზუსტად.

კრიშტიანუ რონალდუმ ალ ნასრთან ერთად უკვე მე-3 ფინალი წააგო და ჯერ-ჯერობით არაბულ კლუბში ტიტული კვლავ არ მოუპოვებია.