ნიკოლოზ ბასილაშვილმა მადრიდის მასტერსის საკვალიფიკაციო ეტაპი წარმატებით დაიწყო. შესარჩევის პირველ რაუნდში, იტალიელ სტეფანო ტრავალიას რთულ ორსეტიან ბრძოლაში აჯობა.
ქართველმა ჩოგბურთელმა პირველ სეტში, 5:6-ზე, სეტ-პოინტი გადაარჩინა და შემდეგ ტაიბრეიკზე გაიმარჯვა, ხოლო მეორე პარტიაში ბოლო გეიმში შესრულებული ბრეიკით მიაღწია შედეგს - 7:6; 6:4.
ბასილაშვილი საკვალიფიკაციოს ფინალშია და შეხვდება ამერიკელ პატრიკ კიპსონს, რომელთანაც აქამდე ერთხელ უთამაშია - 1 თვის წინ, 17 მარტს, მაიამის მასტერსის საკვალიფიკაციოზე, ადვილად დაამარცხა - 6:3; 6:1.
ნიკოლოზ ბასილაშვილი ამჟამად მსოფლიო რეიტინგის 120-ე ადგილზეა, კიპსონი 90-ე ადგილს იკავებს.
