ზედიზედ მეორედ - რამაზ ზოიძე ევროპის ჩემპიონატის ფინალშია

ალბანეთის დედაქალაქ ტირანაში მიმდინარე ბერძნულ-რომაული ჭიდაობის ევროპის ჩემპიონატზე, რამაზ ზოიძე ოქროს მედლისთვის იჭიდავებს.

77 კგ. წონით კატეგორიაში, ზოიძემ საკვალიფიკაციო ეტაპზე ესპანელ მარკოს სანჩეს სილვას - 8:2, 1/8 ფინალში ხორვატ ანტონიო კამენიასევიჩს - 9:3, 1/4 ფინალში სერბ ალეკსა ილიჩს - 5:2, ხოლო 1/2 ფინალში უნგრელი რობერტ ატილა ფრიტჩი 8:0 გაანადგურა და ევროპის ჩემპიონატის ფინალში ზედიზედ მეორედ გავიდა.

ზოიძე ფინალში შეხვდება სომეხ მალხას ამოიანს, რომელთანაც გასული წლის ევროპის ჩემპიონატის ფინალში დამარცხდა.

ზოგადად, ამოიანი ევროპის - 4-გზის (2022; 2023; 2024 2025) და მსოფლიოს 2-გზის ჩემპიონია (2021-ში ოქრო 72 კგ. წონით კატეგორიაში მოიპოვა, ხოლო 2025-ში იმ წონაში, რომელშიც ახლა ასპარეზობს).

საქართველოს ნაკრებს კიდევ ერთი მედალი განაღდებული აქვს, რადგან ვახტანგ ლოლუა (55 კგ.) ასევე ფინალშია, ხოლო ფრიდონ აბულაძე (63 კგ.) ბრინჯაოს მედლისთვის თურქ ქერემ ქამალთან იბრძოლებს.

ქართველისა და სომეხის ფინალური შეხვედრა ხვალ გაიმართება - ფინალური ბლოკი 20:00 საათიდან იწყება.

არის ფინალი! - ვახტანგ ლოლუა ევროპის ჩემპიონატზე ოქროსთვის იჭიდავებს