გერმანიის მეორე ბუნდესლიგის მე-5 ტურში კარლსრუემ შალკეს უმასპინძლა და მეტოქე 2-0 დაამარცხა. მატჩის გმირი ბუდუ ზივზივაძე გახდა, რომელმაც დუბლი შეასრულა.
რა თქმა უნდა, ქართველ თავდამსხმელს კარგი თამაში დაუფასდა და ჩემპიონატის კვირის თერთმეტეულში რამდენიმე ვერსიით მოხვდა.
სტატისტიკურმა ვებ-გვერდმა Whoscored-მა ბუდუს 8.4 შეფასება დაუწერა, Sofascore-მა კი - 8.2.
Whoscored-ის თერთმეტეული
Sofascore-ის თერთმეტეული
ბუდუ ზივზივაძე თავის გუნდში გერმანულმა გამოცემა Kicker-მაც შეიყვანა.
ქართველი თავდამსხმელი მიმდინარე სეზონში მეორე ბუნდესლიგის კვირის საუკეთესო თერთმეტეულში მეორედ მოხვდა.
ბუდუს ანგარიშზე 6 გოლი და 1 საგოლე გადაცემაა, რითიც ჩემპიონატის ერთპიროვნული ბომბარდირია. კარლსრუე კი 13 ქულით დიუსელდორფთან ერთად პირველ ადგილს იყოფს.
