საქართველო VS სომხეთი - ყველა ბილეთი გაყიდულია

საქართველო-სომხეთის მატჩზე დასასწრები ყველა ბილეთი გაყიდულია. 

გუნდებს შორის მატჩი 23 მარტს თბილისში, დინამო არენაზე გაიმართება. შეხვედრა 18:00 საათზე დაიწყება.

TKT.GE-ზე გაიყიდება ერევანში, 20 მარტს გასამართ მატჩზე ქართველი გულშემატკივრებისთვის განკუთვნილი ბილეთებიც. ბილეთების გაყიდვა 28 თებერვალს, 12:00 საათზე დაიწყება. 

გასვლითი მატჩის ბილეთის ფასი 10 ლარია. ამ შემთხვევაშიც თითოეულ მომხმარებელს მატჩზე დასასწრები მაქსიმუმ 2 ბილეთის შეძენა შეუძლია. ინფორმაციას საქართველოს ფეხბურთის ფედერაცია აქვეყნებს.

საქართველო და სომხეთი ერთმანეთს ერთა ლიგის B დივიზიონში დასარჩენი პლეიოფის ეგიდით დაუპირისპირდებიან, რომელიც ორმატჩიანი იქნება.