თბილისში მიმდინარე მსოფლიო ჩემპიონატის მე-6 საშეჯიბრო დღეს, საქართველოს ხმლით მოფარიკავეთა ნაკრები უკრაინის ნაკრებს დაუპირისპირდა.
ქართველთა შემადგენლობა ასეთი იყო: სანდრო ბაზაძე, ბექა ბაზაძე, ვახტანგ არჩვაძე, გიორგი ურუშაძე.
ბექა ბაზაძე 5-1 იური ცაპი
სანდრო ბაზაძე 5-4 ოლექსი სტაცენკო
ვახტანგ არჩვაძე 4-5 ანდრეი იაგოდკა
ბექა ბაზაძე 5-5 ოლექსი სტაცენკო
ვახტანგ არჩვაძე 5-2 იური ცაპი
სანდრო ბაზაძე 5-3 ანდრეი იაგოდკა
ვახტანგ არჩვაძე 5-3 ოლექსი სტაცენკო
ბექა ბაზაძე 5-2 ანდრეი იაგოდკა
სანდრო ბაზაძე 5-4 ბოგდან ბოგოვინი
საქართველოს ნაკრებმა საერთო ჯამში უკრაინა 45-28 დაამარცხა და შემდეგ ეტაპზე გავიდა. ჩვენი გუნდი 1/8 ფინალში იასპარეზებს, სადაც უნგრეთის ნაკრებს დაუპირისპირდება. ბრძოლები 28 ივლისს 09:00 საათიდან განახლდება.
დღეს გუნდურად იასპარეზა ქალთა რაპირის გუნდმაც, რომელიც საფრანგეთთან 45-12 დამარცხდა.
ასევე ქალთა ხმლის კატეგორიაში წარსდგა ლიკა ჯიჯეიშვილიც, რომელმაც ჯგუფური ეტაპი 5 მოგებით დაძლია და პირდაპირ 1/32 ფინალში მოხვდა. ქართველი მოფარიკავე მექსიკელ ნატალია ბოტელოსთან 15-6 დამარცხდა და მსოფლიო ჩემპიონატს გამოეთიშა.
