სასწრაფოდ: ლა ლიგაში კიდევ ერთი ქართველი ითამაშებს!

საქართველოს ნაკრების ფეხბურთელი გიორგი წიტაიშვილი კარიერას ესპანეთის ჩემპიონატში გააგრძელებს.

Geo Team-ის ინფორმაციით, წიტაიშვილი რაიო ვალეკანოს ფეხბურთელი გახდება.

25 წლის ნახევარმცველმა რაიო ვალეკანოში სამედიცინო შემოწმება გაიარა და თავის აგენტთან, მამუკა ჯუღელთან ერთად უკვე ესპანეთში იმყოფება.

წიტაიშვილი რაიო ვალეკანოსთან 3-წლიან კონტრაქტს გააფორმებს.

გიორგი წიტაიშვილი მე-4 ქართველი იქნება, რომელიც 2026/27 სეზონში ლა ლიგაში ითამაშებს გიორგი მიქაუტაძესთან (ვილიარეალი), საბა საზონოვთან (ხეტაფე) და გიორგი გულიაშვილთან (რასინგი) ერთად