ინგლისის პრემიერ ლიგის მატჩში გიორგი მამარდაშვილი ერლინგ ჰალანდის დარტყმული პენალტი მოიგერია.
VIDEO: მოგერიებული პენალტიიი! მამარდაშვილმა ჰალანდის დარტყმული აიღო
2023/24 წლების სეზონის დასაწყისიდან მოყოლებული ქართველმა მეკარემ 13-დან 6 პენალტი მოიგერია, რაც ევროპის ტოპ 5 ლიგაში საუკეთესო შედეგია.
მამარდაშვილს კარიერაში ჯამში 34 პენალტი დაურტყეს, საიდანაც 9 მათგანის მოგერიება მოახერხა.
ამ აღებული 9 პენალტიდან 2 ეროვნულ ლიგაში, თბილისის ლოკომოტივის რიგებში ფიქსირდება, 5 ლა ლიგაში, 1 საქართველოს ნაკრებში და ერთიც უკვე ლივერპულის შემადგენლობაში.
2019/20 წლების სეზონში ლოკომოტივისა და ტორპედოს მატჩში მამარდაშვილმა გიორგი ფანცულიას აუღო პენალტი, 20/21 წლების სეზონში კი დილასთან შეხვედრაში ირაკლი ბიძინაშვილის დარტყმული მოიგერია.
23/24 სეზონში გიორგიმ კიკე გარსიას (ალავესი), ალექს ბაენასა (ვილიარეალი) და ანტე ბუდიმირის (ოსასუნა) დარტყმულები მოიგერია, 24/25 სეზონში კი იაგო ასპასისა (სელტა) და ვინისიუს ჟუნიორის (რეალი) წინააღმდეგ ჩაიწერა სეივები აქტივში.
ცოტა ხნის წინ მამარდამ ესპანეთის ნაკრების წინააღმდეგ, ფერან ტორესის დარტყმულიც აიღო, პრემიერ ლიგაში კი მონაგარს ერლინგ ჰალანდის პენალტიც დაამატა.
![ლიონი - პსჟ [სასტარტო შემადგენლობები]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2F09691b39-d796-4bb4-bc38-317969d61dbf&w=3840&q=75)
