სეხუდო: "დინის საქციელი აბსოლუტური სისულელეა"

UFC-ის ლეგენდამ და ორწონითი კატეგორიის ყოფილმა ჩემპიონმა, ჰენრი სეხუდომ, ვეტერანი მსაჯი ჰერბ დინი მკაცრად გააკრიტიკა და განაცხადა, რომ მისი მოქმედებები სპორტის რეპუტაციას აზიანებს.

სეხუდოს უკმაყოფილება დინის მსაჯობამ გამოიწვია UFC Freedom 250-ზე, სადაც სირილ განისა და ალექს პერეირას ჩხუბის დროს მსაჯმა რამდენიმე საეჭვო მომენტი უყურადღებოდ დატოვა.

სეხუდო ასევე გამოეხმაურა UFC-ის ბაქოს ტურნირზე მომხდარ ინციდენტს, სადაც შარა მაგომედოვსა და მიშელ პერეირას შორის შეხვედრაში მსაჯმა თმის მოქაჩვისა და თვალში თითის გარჭობის ფაქტები არ დააჯარიმა.

ყოფილი ჩემპიონის თქმით, მსაჯების მსგავსი გადაწყვეტილებები პირდაპირ გავლენას ახდენს მებრძოლების კარიერასა და შემოსავალზე, რადგან წაგების შემთხვევაში ისინი გასამრჯელოს ნახევარს კარგავენ.

სეხუდომ ჰერბ დინის საქციელს „აბსოლუტური სისულელე“ უწოდა და ხაზი გაუსვა, რომ თუ მსაჯებს საკმარისი გადაწყვეტილების მიღების უნარი არ გააჩნიათ, მაშინ მთელი ეს სპორტული სისტემა ხუმრობად იქცევა.

სეხუდო მიიჩნევს, რომ თუ დინი უმაღლეს დონეზე მსაჯობის სტანდარტად რჩება, მაშინ აუცილებელია ცვლილებების განხორციელება, რათა მებრძოლთა უფლებები და სამართლიანობა დაცული იყოს.