იტალიის სერია ა-ს საჩემპიონო ბრძოლაში მოვლენები საინტერესოდ განვითარდა.
36-ე ტურის მატჩში ინტერმა სტუმრად ტორინო 2:0 დაამარცხა და ლიდერ ნაპოლიზე ზეწოლას აგრძელებს.
თავის მხრივ ნაპოლიმ, რომელიც ამ ტურის წინ 3 ქულით იყო წინ, საკუთარ მოედანზე ჯენოასთან მნიშვნელოვანი ქულები დაკარგა - კონტეს გუნდი ორჯერ იგებდა, თუმცა საბოლოოდ ფრე (2:2) ითამაშა და ინტერთან 3-ქულიანი უპირატესობა 1 ქულად გადაექცა.
სერია ა-ს დასრულებამდე ორი ტურია დარჩენილი, 18 მაისს ინტერი საკუთარ მოედანზე ლაციოს მიიღებს, ნაპოლი კი სტუმრად პარმას დაუპირისპირდება.
ბოლო ტურში კი, რომელიც 25 მაისს გაიმართება, ინტერი კომოს ესტუმრება, ნაპოლი კი საკუთარ მოედანზე კალიარის უმასპინძლებს
ნაპოლის ნებისმიერი ფეხის დაცდენა და ინტერის მოგება ნიშნავს იმას, რომ ინძაგის გუნდი ტიტულს დაიცავს და იტალიის ჩემპიონი ზედიზედ მეორედ გახდება. თუმცა, ყველაფერი მაინც კონტეს გუნდის ხელშია - თუ პარტონოპეი თავის ორივე მატჩს მოუგებს, ბოლო 3 წელიწადში მეორედ შეძლებს, ისტორიაში კი მეოთხედ დაეუფლება იტალიის ჩემპიონის ტიტულს.
