შარლ ლეკლერმა იქორწინა: კადრები ფერარის ვარსკვლავის ქორწილიდან

ფორმულა 1-ის ვარსკვლავმა, შარლ ლეკლერმა, გულშემატკივრებს თავისი და ალექსანდრა სენ-მლოს ქორწილის დეტალები გაუზიარა. წყვილი გასულ უქმეებზე დაქორწინდა.

სოციალურ ქსელში გავრცელდა კადრები, სადაც ჩანს, როგორ მიდიან ახალდაქორწინებულები სანაპიროზე ვინტაჟური ფერარით. 23 წლის ალექსანდრას თეთრი კაბა ეცვა, 28 წლის ლეკლერი კი თეთრ კოსტიუმში იყო გამოწყობილი.

თავიდან არც ლეკლერს და არც მის რჩეულს ინფორმაცია არ დაუდასტურებიათ, თუმცა მოგვიანებით ფერარის პილოტმა გაამხილა, რომ მათ შაბათს იქორწინეს, ფორმულა 1-ის ახალი სეზონის დაწყებამდე სულ რაღაც ერთი კვირით ადრე.

მონაკოელმა მრბოლელმა ვიდეოში რამდენიმე დეტალი აჩვენა: ალექსანდრას კაბა, ბეჭდების გაცვლის ცერემონია და მათი ძაღლი, ლეო, რომელიც ქორწილს ესწრებოდა.