ესპანეთის ნაკრების დამცველმა მარკ კუკურელიამ მსოფლიო ჩემპიონატის ფინალის მოგების შემდეგ პირობა უნდა შეასრულოს - მწვრთნელი ლუის დე ლა ფუენტეს თქმით, კუკურელიამ ჯერ კიდევ ტურნირის დასაწყისში თქვა, რომ ჩემპიონობის შემთხვევაში სხეულზე მწვრთნელის სახეს გაიკეთებდა ტატუდ.
65 წლის სპეციალისტმა პრესკონფერენციაზე აღნიშნულ თემაზე ისაუბრა. მისი თქმით, თავად ტატუებისთვის საკმაოდ ასაკოვანია, თუმცა მისი მოთამაშეები თავიანთი სიტყვის კაცები არიან და აუცილებლად შეასრულებენ დაპირებას:
მათ შეცდომა დაუშვეს და ახლა ამ შეცდომას ბოლომდე უნდა მიჰყვნენ. მე არც ისეთი მახინჯი ვარ.
კითხვაზე, სხეულის რომელ ნაწილზე ისურვებდა თავისი გამოსახულების ხილვას, მწვრთნელმა სიცილით უპასუხა:
იქნებ სხეულის ისეთ ნაწილზე, რომელიც ნაკლებად ჩანს. მაგრამ როცა რამეს იტყვი, სიტყვის ერთგული უნდა დარჩე.
ლუის დე ლა ფუენტემ გუნდი ჯერ ევრო 2024-ის გამარჯვებამდე მიიყვანა, ახლა კი მსოფლიო ჩემპიონის ტიტულიც მოიპოვა, რითაც ესპანურმა ფეხბურთმა კიდევ ერთი უდიდესი მწვერვალი დაიპყრო.
მარკ კუკურელია კი, რომელიც გუნდისთვის ერთ-ერთი საკვანძო ფიგურა იყო, ახლა სოციალურ ქსელებისა და გულშემატკივრების ყურადღების ცენტრშია და ყველა მოუთმენლად ელის, თუ როდის და როგორ შეასრულებს ის თავის პირობას.
