"შესაძლოა, ეს ჩემი ბოლო ბრძოლა ყოფილიყო" - როგორ გადაურჩა მერაბი UFC-დან გაგდებას?

მერაბ დვალიშვილმა არიელ ჰელუანისთან ინტერვიუში გაიხსენა, 2019 წელს როგორ იყო ერთ ნაბიჯში UFC-დან გაგდებასთან.

"2019 წელს, UFC-ში 1 მოგება და 2 წაგება მქონდა, კონტრაქტით კი ერთი ბრძოლა უნდა ჩამეტარებინა. უნდა მომეგო და მერე მენახა, UFC-ს ენდომებოდა თუ არა ჩემი დატოვება. მათ ბრედ კატონა შემომთავაზეს - დაუმარცხებელი (9-0), TUF-ის ჩემპიონი. მან ბრაის მიჩელი დაასაბმითა. ბრაისთან ვვარჯიშობდი - ის მონსტრია და თუ ვინმემ ბრაისი დაასაბმითა, ვიცოდი, რომ ის ძლიერი მეტოქე უნდა ყოფილიყო.

იმ მომენტში რეკორდი 8-4-ზე მქონდა და მშენებლობაზე ვმუშაობდი. ჩემმა მენეჯერმა მკითხა თუ მინდოდა ბრძოლა. მე ვუთხარი, "რა თქმა უნდა, მაგრამ შეიძლება ნიუ იორკის ქარდზე ვიყო?" ვიფიქრე, რომ შესაძლოა ეს ჩემი ბოლო ბრძოლა იყო UFC-ში და თუ წავაგებდი, ჩემი ხალხის წინ მაინც ვიბრძოლებდი, ნიუ იორკში.

მენეჯერმა UFC-ს ჰკითხა და ასეთი პასუხი მიიღო: "რა ჯანდაბაა. თუ ბრძოლა გინდა, აიღე. თუ არადა - წადი." ჩვენი რეაქცია კი ასეთი იყო: "კარგი, კარგი, ბოდიში, ბოდიში."

ბრძოლის კვირა მოვიდა, მე მშენებლობიდან პირდაპირ კანადაში წავედი, წონა დავიკელი და დაუმარცხებელ მებრძოლს მოვუგე. ყველაზე ბედნიერი ადამიანი ვიყავი და UFC-მ კონტრაქტი თავიდან გამიფორმა." - გაიხსენა UFC-ის სუპერმსუბუქი წონის ქართველმა ჩემპიონმა.

მერაბ დვალიშვილმა ჯონ ჯონსს გადაუსწრო და p4p რეიტინგში მე-2 ადგილზე გადაინაცვლა!