UFC 316-ის შემდეგ, რომელზეც მერაბ დვალიშვილმა შონ ო'მალი დაამარცხა, p4p (pound-for-pound) რეიტინგი განახლდა, რომელშიც ყველა წონის მებრძოლების პოზიციებს ვხვდებით.
ათეულში ყველაზე დიდი ცვლილება ის არის, რომ მერაბ დვალიშვილმა ჯონ ჯონსს გადაასწრო, ორი პოზიციით დაწინაურდა და ახლა p4p რეიტინგში მე-2 ადგილს იკავებს, მასზე წინ მხოლოდ ისლამ მახაჩევია.
ერთი პოზიციით დაქვეითდა ილია თოფურია, რომელიც წინა განახლების დროს მე-3 ადგილს იკავებდა, ახლა კი მეოთხეზე ჩამოვიდა. თუმცა, თავის ბრძოლას ქართველი თვის ბოლოს გამართავს და გამარჯვების შემთხვევაში, სავარაუდოდ კვლავ დაწინაურდება.
ათეულში პოზიციები გაცვალეს ჯეკ დელა მადალენამ და ალექს პერეირამ.
