ტოტენჰემი ჩელსიდან ტოსინ ადარაბიოიოს სრულფასოვანი ტრანსფერით შეძენაზე შეთანხმდა.
The Athletic-ის ცნობით, მცველთან პირადი კონტრაქტის პირობებიც შეთანხმებულია და მას სამედიცინო შემოწმების გავლის ნებართვა უკვე მიეცა.
ფაბრიციო რომანოს ინფორმაციით, მცველის სანაცვლოდ ჩელსი 7 მილიონ ფუნტს ფიქსირებული თანხის სახით მიიღებს, რასაც დამატებით ბონუსებიც დაემატება.
ამასთან, ჩელსის კიდევ ერთი მოთამაშე, მიხაილო მუდრიკი, რომელიც დოპინგის დისკვალიფიკაციიდან ახლახანს დაბრუნდა, კარიერას ტოტენჰემში გააგრძელებს.
იტალიელი ჟურნალისტის თქმით, მხარეებს შორის ყველაფერი შეთანხმებულია, მათ შორის ფეხბურთელის პირადი კონტრაქტის პირობებიც.
მუდრიკი ტოტენჰემს იჯარის წესით შეუერთდება, რისთვისაც ლონდონური კლუბი შესაბამის საფასურს გადაიხდის. შეთანხმებაში ასევე გათვალისწინებული იქნება გამოსყიდვის უფლება, თუმცა ის სავალდებულო არ იქნება.
უკრაინელი ფეხბურთელი კვლავ რობერტო დე ძერბის ხელმძღვანელობით ითამაშებს, ისინი ერთად დონეცკის შახტარში მუშაობდნენ.
