შეთანხმება შედგა - პსჟ ფრანგ შემტევს იმატებს

მაგნეს აკლიუშის ტრანსფერი პარი სენ-ჟერმენში დასრულებულია.

ფაბრიციო რომანოს ინფორმაციით, პარი სენ-ჟერმენმა და მონაკომ ტრანსფერის ყველა დეტალზე შეთანხმებას მიაღწიეს.

გარიგების ღირებულება 50 მილიონი ევროა, ხოლო თავად ფეხბურთელმაც საბოლოო პირობებს უკვე მწვანე შუქი აუნთო.

აკლიუშს სამედიცინო შემოწმება მომავალ კვირაში ჩაუტარდება, რის შემდეგაც ის 2031 წლის ივნისამდე გათვლილ კონტრაქტს გააფორმებს პარი სენ-ჟერმენთან.

24 წლის შემტევი მონაკოს აღზრდილია და მონეგასკების მთავარ გუნდში 2021 წლიდან ასპარეზობს, საფრანგეთის ნაკრებში კი მისი დებიუტი 2025 წელს შედგა, სადაც 10 მატჩი ჩაატარა.

მოლაპარაკებები დაწყებულია - პსჟ კიდევ ერთ შემტევს უმიზნებს