შეთანხმება შედგა - ვიკარიო იტალიაში ბრუნდება

ტოტენჰემი მეკარე გულიელმო ვიკარიოს თაობაზე იუვენტუსის შეთავაზებას დათანხმდა.

ტურინული კლუბის წინადადება 29 წლის მეკარის იჯარით აყვანას და შემდგომში მისი სრულფასოვანი ტრანსფერის განხორციელების შესაძლებლობას ითვალისწინებს.

მიუხედავად იმისა, რომ გარიგება ჯერ საბოლოოდ დასრულებული არ არის, ყველა მხარე ელოდება, რომ ტრანსფერი შედგება.

The Athletic-მა გაავრცელა ინფორმაცია, რომ კლუბებს შორის მოლაპარაკებების შემდეგ იუვენტუსმა ასტონ ვილადან ემილიანო მარტინესის ტრანსფერზე უარი თქვა და ყურადღება სხვა კანდიდატებზე გადაიტანა.

იუვენტუსში გადასვლის შემთხვევაში ვიკარიო იტალიაში დაბრუნდება, სადაც 2023 წელს ტოტენჰემში გადასვლამდე მთელი საკლუბო კარიერა გაატარა. ლონდონურმა კლუბმა ის ემპოლიდან დაახლოებით 20 მილიონ ევროდ შეიძინა.

ვიკარიომ სპურსის მაისურით ყველა ტურნირზე 117 მატჩი ჩაატარა და 29 შეხვედრაში კარი მშრალად შეინახა. მან გასული წლის მაისში ევროპის ლიგის ფინალშიც ითამაშა, რომელშიც ტოტენჰემმა 1:0 გაიმარჯვა.