სიმართლე ჰილისა და პერეირას ცნობილი დაპირისპირების უკან

ალექს პერეირასა და ჯამაჰალ ჰილის ცნობილი დაპირისპირება, რომელიც UFC-ის Performance Institute-ში მოხდა, სინამდვილეში დადგმული აღმოჩნდა.

როგორც ჯამაჰალ ჰილმა Home of Fight-თან ინტერვიუში განაცხადა, მასსა და პერეირას შორის არასდროს ყოფილა რეალური მტრობა ან უთანხმოება.

ჰილის განმარტებით, ამ ინციდენტის მიზანი მათ შორის სატიტულო ბრძოლის ირგვლივ აჟიოტაჟის შექმნა იყო. ჰილს სურდა, თავისი რეპუტაციის გამოყენებით მაღალანაზღაურებად ბრძოლაში მაგომედ ანკალაევისთვის გაესწრო და თავად მიეღო პერეირასთან რევანშის შანსი.

ჰილი ასევე აღნიშნავს, რომ მათ პერეირასთან მეგობრული ურთიერთობა აქვთ, ის ხშირად ესაუბრება პერეირას ოჯახის წევრებსა და გუნდს.

პერეირასა და ჰილს შორის ურთიერთობა მას შემდეგ დაიძაბა, რაც UFC 300-ზე პერეირამ ჰილი ნოკაუტით დაამარცხა. მიუხედავად ამისა, როგორც ირკვევა, PI-ში მომხდარი „კონფლიქტი“ მხოლოდ და მხოლოდ მარკეტინგული სვლა იყო, რათა ჰილს სატიტულო რბოლაში ადგილი შეენარჩუნებინა.