სიმეონე: "პირველივე წუთიდან ვიცოდით, როგორ შეგვექმნა რეალისთვის პრობლემები"

დიეგო სიმეონეს თქმით, მისი გუნდი რეალთან საჭირო გეგმით გავიდა.

მადრიდული დერბი ატლეტიკოს გამარჯვებით 5:2 დასრულდა.

„რეალი ცალსახად მსოფლიოში ერთ-ერთი საუკეთესო გუნდია. პირველივე წუთიდან ვიცოდით, როგორ უნდა შეგვექმნა მათთვის პრობლემები. ნიკო, ჯულიანო, ბარიოსი და ხულიანი ფლანგებს იცვლიდნენ, ცენტრალური მცველების ყურადღებას იპარავდნენ და სორლოტი საჯარიმოში რჩებოდა, რითაც საგოლე მომენტები გვექმნებოდა. ორი გაშვებული გოლის გარდა, სხვა მხრივ იდეალური თამაში ჩავატარეთ.

გოლების აღნიშვნა? ბევრი ემოცია შემოგვაწვა. სეზონი სირთულეებით დაიწყო. ბევრმა ადამიანმა გაიღო უდიდესი შრომა, რაც არ ჩანს, მაგრამ საქმე კარგად მიიწევს წინ.

წარუმატებლობების შემდეგ კარგად შევისწავლეთ სიტუაციები, რომელიც უნდა გამოგვესწორებინა, ლივერპულთან თამაშის შემდეგ ვვითარდებოდით და დღევანდელი მატჩი უკვე ძალიან კარგი გამოვიდა.

ალვარესი გუნდის ერთგულია და საოცარ ფორმაშია. ის ძალიან ნიჭიერია, მაგრამ ამავდროულად ბევრსაც შრომობს. მას გუნდისთვის მარტო შეტევები კი არა, თავდაჯერებაც მოაქვს. ის ძალიან გვჭირდება, უნდა გავუფრთხილდეთ და იმედი მაქვს, კიდევ მრავალ წელს გაატარებს ამ კლუბში." - აღნიშნა არგენტინელმა მწვრთნელმა.