უიმბლდონის მე-2 ნახევარფინალში მსოფლიო რეიტინგის ლიდერმა იანიკ სინერმა ნოვაკ ჯოკოვიჩი დაამარცხა.
შეხვედრა 1 საათსა და 53 წუთს გაგრძელდა და იტალიელის გამარჯვებით 6:3 6:3 6:4 დასრულდა.
პირველ ორ სეტში კორტზე პრაქტიკულად ერთი მოთამაშე იყო - სინერმა ჯოკოვიჩს ყველა მნიშვნელოვან კომპონენტში აჯობა და არცერთხელ არ წაუგია თავისი მოწოდება.
მესამე სეტი საინტერესოდ დაიწყო - ჯოკოვიჩი 3:0-ს იგებდა და კიდევ ერთხელ შეეძლო მეტოქის მოწოდების მოგება, თუმცა სინერმა ჯერ თავისი ჩაწოდება გადაარჩინა, შემდეგ კი ზედიზედ ორჯერ დააბრეიკა და წინ გასვლაც შეძლო - იტალიელს მატჩის დამთავრება ზედიზედ 6 გეიმის მოგებით შეეძლო, თუმცა ორი მატჩ-პოინტი გაანიავა და საქმის მომთავრება თავის გეიმამდე გადადო.
5:4-ზე სინერმა წარმატებით ჩააწოდა მატჩზე და უიმბლდონის ფინალში კარიერაში პირველად გავიდა.
გადამწყვეტ მატჩში სინერი როლან გაროსის მსგავსად აქაც კარლოს ალკარასს დაუპირისპირდება, რომლისთვისაც ეს მე-3 ფინალი იქნება უიმბლდონზე. წინა ორი ესპანელს ჯოკოვიჩთან აქვს მოგებული.
