კარლოს ალკარასმა თავად დაადასტურა, რომ უიმბლდონის წლევანდელ გათამაშებაში მონაწილეობას ვერ მიიღებს.
"ჩემი გამოჯანმრთელების პროცესი კარგად მიდის და თავს ბევრად უკეთ ვგრძნობ, მაგრამ, სამწუხაროდ, შეჯიბრებისთვის მზად ჯერ კიდევ არ ვარ, რის გამოც Queens Club-ისა და უიმბლდონის ბალახის კორტზე გასამართი ტურნირებიდან განაცხადის მოხსნა მიწევს. ორივე ეს ტურნირი ჩემთვის განსაკუთრებულია და იქ თამაში ძალიან მენატრება", - დაწერა დიდი სლემის ტურნირების 7-გზის ჩემპიონმა ინსტაგრამზე.
კარლოს ალკარასი, რომელიც ახლა მაჯის ტრავმას მკურნალობს, უიმბლდონის 2-გზის ჩემპიონია (2023; 2024), გასულ წელს კი ფინალურ მატჩში იანიკ სინერთან დამარცხდა.
2026 წლის რიგით მე-3 დიდი სლემის ტურნირის წლევანდელი გათამაშება 29 ივნისს იწყება და 12 ივლისს დასრულდება.
